अनुकरणीय उद्योजकश्री.सुभाष चुत्तर – आभाळाचं हृदय असलेला उद्योजक“कुलकर्णी, तुम्ही आमचा चाकणचा कारखाना बघायला या, तिथे आपण बोलू.” सुभाष चुत्तरांनी आम्हाला त्यांच्या चाकण MIDC मधल्या “असोसिएटेड मॅन्युफॅक्चरींग” या कारखान्यास भेट देण्याचे आमंत्रण दिले. आम्ही तळवलकर ट्रस्ट मधली ट्रस्टी मंडळी ठरल्यादिवशी कारखान्यात धडकलो. आयत्यावेळी सरांना काही काम निघाले आणि ते येऊ शकले नाहीत. पण आम्हाला फोन करून येऊ शकत नसल्याबद्दल त्यांनी आमची क्षमा मागितली, व्यवस्थापक आपल्याला सर्व दाखवतील असे सांगितले. आम्ही गेटवर गाडी थांबवली, साधारण कोणत्याही मोठ्या कारखान्यात आपण गेलो की गेट एन्ट्री हा उपचार करावा लागतो. वॉचमनने अंदाजाने आम्हाला ओळखले आणि गेट एन्ट्रीचे उपचार न करता सरळ कंपनीच्या व्यवस्थापकांच्या केबिनमध्ये नेले. आम्ही येणार ही बातमी सुभाष सरांनी आधीच वॉचमनपासून व्यवस्थापकांपर्यंत दिलेली होती. चहापान झाल्यावर व्यवस्थापकांबरोबर कारखाना बघण्यास निघालो. २०-२५ हजार स्केअर फुटाची ती इमारत होती. सुभाष सरांच्या कारखान्यात मुख्यत: Automobile Pressed Components बनवले जातात. प्रत्येक मिनिटाला धाड-धाड आवाज करण…